यस वर्षको महाशिवरात्रीमा पुरी मठका जगतगुरु शंकराचार्य सरस्वती श्रीनिश्चलानन्द स्वामी आउनुहुने भएको छ । पशुपति क्षेत्र विकास कोषले बुधवार पत्रकार सम्मेलन गरेर सो जानकारी गराएको हो । उहाँ बिहीवार पशुपतिनाथ मन्दिर आइपुग्नुहुनेछ । यस वर्ष फागुन ५,६ र ७ गते पशुपति शंकराचार्य पूजन महोत्सव कार्यक्रम राखिएकाले उहाँ सो कार्यक्रममा सहभागी हुन पशुपतिनाथ आउन लाग्नुभएको हो ।
