डेनमार्क, ग्रिस, पाकिस्तान, पानामा र सोमालिया दुई वर्षको कार्यकालका लागि संयुक्त राष्ट्र सुरक्षा परिषद्को अस्थायी सदस्यमा निर्वाचित भएका छन् । मतदान प्रक्रियाको अध्यक्षता गर्ने वर्तमान महासभा अध्यक्ष डेनिस फ्रान्सिसले नतिजा घोषणा गर्नुभएको थियो । नव निर्वाचित सदस्यहरूले जनवरी १, २०२५ मा आफ्नो नयाँ जिम्मेवारी लिनेछन् । डिसेम्बर ३१, २०२६ सम्म सेवा गर्नेछन् । पाँचै उम्मेदवार निर्विरोध भएका थिए ।
