जलवायु परिवर्तन र यसबाट हुने असरका बारेमा जनचेतनामुलक कार्यक्रमका लागि सरकार र ट्रेड युनियन संघ संस्थाबीच सहकार्य गर्नुपर्नेमा सरोकारवालाहरुले जोड दिएका छन् । शनिवार ललितपुरमा संयुक्त ट्रेड युनियन केन्द्र (जेटियुसिसी) ले आयोजना गरेको ‘नेपाली श्रम बजारमा जलवायु परिवर्तन र न्यायिक रुपान्तरणका मुद्दाहरु’ विषयक कार्यक्रममा जलवायु परिवर्तनको पहिलो असर श्रम क्षेत्रमा पर्ने भएकाले जनचेतानामुलक कार्यक्रम गर्नुपर्नेमा सरोकारवालाहरुले जोड दिएका हुन् । संयुक्त ट्रेड युनियन समन्वय केन्द्र जेटियुसिसीका अध्यक्ष जगतबहादुर सिम्खडाले जलवायु परिवर्तन रोकथाम र न्यायीक रुपान्तरणका लागि ट्रेड युनियन संगठनहरुबीच अन्तरआवद्धता हुनुपर्ने बताउनु भयो । उहाँले जेटियुसिसीभित्रका संगठनको संयन्त्रमार्फत योजनवद्ध ढंगले अगाडि बढ्नु पर्ने बताउनु भयो । जलवायु परिवर्तनले श्रम बजारमा पु¥याएको असरका बारेमा सरकार, रोजगारदाता जेटियुसीसी तथा सरोकारवालाहरुबीच समन्वय समिति निर्माण गर्नुपर्ने उहाँको भनाइ छ ।
