नेपाली काँग्रेसका सांसद विमलेन्द्र निधीले राजतन्त्र अब नफर्किने बताउनुभएको छ । जनकपुरमा आयोजित एक कार्यक्रमलाई शनिवार सम्बोधन गर्दै उहाँले यस्तो दाबी गर्नुभएको हो । उहाँले नेपालमा राजतन्त्र फर्किन्छ भनेर प्रचार गरिएको भएपनि अब राजतन्त्र र राणातन्त्र फर्किन सम्भव नरहेको बताउनु भयो । उहाँले अरु देशमा राजतन्त्रको अन्त्य हुँदा कस्तो दुर्गति भएको छ भन्नेकुरा आफ्नो सीमालाई तत्कालीन राजाले बुझ्नुपर्ने बताउनु भयो ।
