उपप्रधानमन्त्री एवं शहरी विकासमन्त्री प्रकाशमान सिंहले सरकार दु्रत शहरीकरण, प्राकृतिक वातावरणीय ह्रास र सामाजिक–आर्थिक असमानताको बहुआयामिक चुनौतीहरु चिर्न प्रतिवद्ध रहेको बताउनुभएको । बुधवार ललितपुरमा आयोजित शहरी शासन र विकाससम्बन्धी क्षेत्रीय गोलमेच सम्मेलनलाई सम्बोधन गर्दै मन्त्री सिंहले यस्तो बताउनुभएको हो । सरकार जीवन र जीविकोपार्जनमा केन्द्रित भएर भई समावेशी शहरी शासनको संरचना निर्माण गर्न प्रतिवद्ध रहेको बताउनु भयो । उहाँले नेपालले मात्र नभई एसियाली मुलुकहरुले दु्रत शहरीकरण, प्राकृतिक वातावरणीय ह्रास र सामाजिक–आर्थिक असमानताको बहुआयामिक चुनौतिहरु सामना गरिरहेको समेत बताउनु भयो । उहाँले स्तरीय अर्थतन्त्रमा पहुँच, सुरक्षित आवास, स्वच्छ वातावरण र सामाजिक गतिशीलताको लागि अवसर सिर्जना गर्ने खालको शहर निर्माणमा ध्यान दिनुर्ने बताउनु भयो । उहाँले शहरीकरण, जनसांख्यिकीय परिवर्तन, जलवायु परिवर्तन र विभिन्न कालखण्डमा आएका प्राकृतिक प्रकोपहरुको कारण प्राकृतिक सम्पदाहरु विनास हुँदै गइरहेको उल्लेख गर्दै यसको लागि एकीकृत शहरी विकास कार्यक्रम जरुरी रहेको बताउनु भयो ।
