प्रधानमन्त्री केपी शर्मा ओलीले प्रधानमन्त्रीका सम्बन्धमा जथाभावी नबोल्न प्रतिपक्ष दलका नेताहरुलाई चेतावनी दिनुभएको छ । बुधवार काठमाडौंमा युवा संघको स्वयं सेवक भेला कार्यक्रमलाई सम्बोधन गर्दै उहाँले यस्तो बताउनुभएको हो । उहाँले प्रतपिक्ष दलहरुलाई यति सस्तो, हलुका र उत्ताउलो नबन्न आग्रह गर्नुभयो । उहाँले प्रतिपक्ष दलहरुको सबै पृष्ठभूमिबारे जानकार रहेको भन्दै के गर्न हिँड्नुभएको थियो, कता हिँड्नुभएको थियो, कहाँ आइपुग्नुभयो भन्नेकुरा देखिएको टिप्पणी गर्नुभयो । कोही चिहानबाट नली खुट्टाका हाड निकालेर फेरि लगाउँदै हिँड्ने गरेको र कोही आफ्ना असफलताका कुण्ठाहरु छर्ने थलो संसदलाई बनाइरहेको भन्द टिप्पणी गर्नुभयो । यस्ता किसिमका क्रियाकलापहरु नगर्दा राम्रो हुने बताउनु भयो ।
