नेपाल सुपर लिग (एनएसएल) को तेस्रो संस्करण नजिकिँदै गर्दा फ्रेन्चाइज टोली एफसी चितवन र पोखरा थन्डर्सले आफ्नो तयारीमा तीव्रता दिइरहेको छ । आगामी शनिवार दशरथ रंगशालामा काठमाडौं रेजर्स र ललितपुर सिटी एफसी प्रतिस्पर्धा गरेसँगै तेस्रो संस्करणको खेल शुरु हुनेछ । तेस्रो संस्करणमा कुल सात टोलीले प्रतिष्पर्धा गर्दैछन् । तीमध्ये चितवन र पोखराले आफ्नो तयारीलाई तिब्रता दिइरहेको छ । पछिल्ला दुई संस्करणको नतिजा हेर्ने हो भने पोखराले राम्रो नै प्रदर्शन गरेको थियो । तर, चितवनको भने दुवै संस्करण सुखद हुन सकेको थिएन । पहिलो संस्करणमा पोखरा र चितवन दुवै प्लेअफमा पुग्न असफल टोली हुन् । तर दोस्रो संस्करणमा पोखरा लिगको अंकतालिकामा शिर्ष स्थानमा रहँदै प्लेअफमा पुगेको थियो ।
