राष्ट्रिय सभाको बैठक स्थगित भएको छ । बिहीवार राष्ट्रिय सभा बैठकको कारबाही शुरु गर्न खोज्दा विपक्षीहरुले अवरोध गरेपछि अध्यक्ष नारायणप्रसाद दाहालले बैठक एक घण्टापछि बस्ने गरी स्थगित गर्नुभएको हो । विपक्षीहरु उठेर विरोध गरेपछि अध्यक्ष नारायणप्रसाद दाहालले नेकपा (एकीकृत समाजवादी) का सांसद डा. वेदुराम भुसाललाई बोल्न समय दिनुभएको थियो । डा. भुसालले कुलमान घिसिङलाई सरकारले गरेको पदमुक्तको विषयमा प्रधानमन्त्री केपी शर्मा ओलीले बैठकमा आएर जवाफ नदिएसम्म बैठक सञ्चालन गर्न नदिने अडान लिनुभयो ।
