आदिवासी जनजाती आयोगका अध्यक्ष रामबहादुर थापामगरले अपाङ्गता भएका व्यक्तिहरुले आफ्नो कार्यक्षमताले अपाङ्गतालाई परास्त बनेर सक्षम बन्नुपर्ने बताउनुभएको छ । बिहीवारदेखि काठमाडौंमा शुरु भएको दोस्रो आदिवासी तथा अपांगता भएका महिला तथा किशोरीहरुको एशिया प्रशान्त क्षेत्र सम्मेलन २०२५ लाई सम्बोधन गर्दै उहाँले यस्तो बताउनुभएको हो । उहाँले अपाङ्गता भएका आदिवासी जनजातीले विश्वमै उत्पिडन खेप्नुपरेको बताउनु भयो । उहाँले अपाङ्गता भएका व्यक्तिहरुको उत्पिडनको अन्त्यका लागि भाषा र संस्कृति मिल्ने प्यासिफिक एशिया क्षेत्रमा बस्ने आदिवासी जनजातीहरुको संगठन बलियो बनाउनुपर्नेमा जोड दिनुभयो । उहाँले जुनसकै क्षेत्रमा अपाङ्गता भएको व्यक्तिहरुको कुरा गर्दा पनि आदिवासी जनजाती महिलाहरु गम्भीर हुनुपर्ने बताउनु भयो ।
