नेपाल सुपर लिग (एनएसएल) को तेस्रो सिजन शुरु हुन दुई दिन बाँकी छँदा सहभागी फ्रेन्चाइज टोलीहरूले तयारीलाई अन्तिम चरणमा पु¥याएका छन् । सात फ्रेन्चाइज टोलीको प्रतिष्पर्धा हुने नेपाल सुपर लिगको तेस्रो संस्करण आगामी शनिवारदेखि दशरथ रंगशालामा शुरु हुँदैछ । उद्घाटन खेलमा डिफेन्डिङ च्याम्पियन ललितपुर सिटी एफसी र काठमाडौं रेजर्स एफसीबीच प्रतिष्पर्धा हुनेछ । एनएसलका पछिल्ला दुई संस्करणको फाइनलमा पुगेर पनि उपाधि विमुख भएको टोली हो धनगढी एफसी । तेस्रो पल्ट भने यो टोली उपाधि जित्ने लक्ष्यसहित तयारी गरिरहेको छ । धनगढी एफसीका देवेन्द्र तामाङले राम्रो खेल्दै यसपल्ट पनि फाइनलमा पुग्ने लक्ष्य रहेको बताएका छन् । सहभागी सबैले राम्रो टोली बनाए पनि फाइनलमा पुग्ने लक्ष्यसहित खेल्ने देवेन्द्रले विश्वास व्यक्त गरेका छन् ।
