नेकपा (माओवादी केन्द्र) का अध्यक्ष पुष्पकमल दाहालले राजावादीहरुको षड्यन्त्र समाजवादी मोर्चाले असफल पारेको दाबी गर्नुभएको छ । शनिवार काठमाडौंमा आयोजित एक कार्यक्रमलाई सम्बोधन गर्दै उहाँले यस्तो बताउनुभएको हो । समाजवादी मोर्चाले ठूलो जनसमुदायबीच विरोध सभा नगरेको भए राजावादीहरुले ठूला आपराधिक घटना गराउने दाबी गर्नुभयो । उहाँले आफूले राजावादीहरुले ठूला घटना गराउने योजना बनाएको सूचना पाएको दाबी गर्नुभयो । उहाँले राजावादीहरुलाई आततायी र विवेक शुन्य तत्वको संज्ञा दिँदै विगतमा निरंकुस राजतन्त्र सत्तामा हँुँदा प्रेसलाई अंकुस लगाउने काम गरेको भन्दै राजावादीहरुको आक्रमणको निशाना पनि प्रेस नै भएको जिकिर गर्नुभयो । सत्य सूचना प्रवाह गरी अग्रगमन र स्थिरताको चेतना फैलाउने प्रेस जगत प्रतिगामी तत्वसँग सचेत बन्नुपर्ने उहाँको भनाइ छ ।
