नेपाल पर्यटन बोर्डका वरिष्ठ निर्देशक हिक्मत सिंह ऐरले सरकारले सरकारी कर्मचारीलाई पर्यटन विकास कोष (एलडिसी) उपलब्ध गराउनुपर्ने बताउनुभएको छ । आईतवार काठमाडौंमा होटल तथा पर्यटन व्यवसायी संघ, वागमती प्रदेशले आयोजना गरेको कार्यक्रममा उहाँले आन्तरिक पर्यटन विकासका लागि कोष उपलब्ध गराउनुपर्ने बताउनुभएको हो । उहाँले सरकारले कर्मचारीहरुलाई सातै प्रदेश घुम्ने व्यवस्था गरी एक साता वा दश दिनको टुर प्याकेजको व्यवस्था गर्नुपर्ने बताउनु भयो । सरकारले यस्तो सुविधा प्रदान गर्दा होटल व्यवसायीले आफ्नो प्याकेजमा जोडेर आन्तरिक पर्यटनमा थप टेवा पु¥याउनसक्ने उहाँको भनाइ छ । भारतमा सरकारी कर्मचारीलाई एलडिसी सुविधा भएको भन्दै उहाँले भारतीय सरकारी कर्मचारीलाई नेपालको पर्यटनसँग जोड्ने प्रयासमा आफूहरु रहेको बताउनु भयो ।
