एफसी चितवनले पोखरा थन्डर्सलाई हराउँदै नेपाल सुपर लिग ९एनएसएल० को तेस्रो संस्करणमा सुखद् शुरुवात गरेको छ । त्रिपुरेश्वरस्थित दशरथ रंगशालामा सोमवार भएको खेलमा एफसी चितवनले पोखरालाई २–० गोलले हराउँदै सुखद् शुरुवात गरेको हो । एफसी चितवनको लागि नोदिर माभलोनोभ र नीरज चौधरीले गोल गरे । चितवनको अघिल्लो दुई सिजन नै प्लेअफमा पुग्न नसक्दा खराब रह्यो । यसपल्ट भने जितबाट शुरुवात गरेको छ । खेलको १५ औं मिनेटमा नै चितवनले नोदिर माभलोनोभको गोलबाट अग्रता लियो । भिक्टोर मानसरेले राइट साइडबाट दिएको कट पासलाई नोभिरले पेनाल्टी बक्स बाहिरबाट दोस्रो बार च्याप्दै गरेको सट पोखराका गोलकिपर प्रिसोले रोक्नै सकेनन् । चार मिनेटपछि नै पोखराले फ्रिकिकबाट अवसर सिर्जना गरे पनि सफलता पाउन सकेन ।
