सोमवार स्पेनी क्षेत्र अस्टुरियासमा रहेको खानीमा भएको विस्फोटमा पाँच जनाको मृत्यु भएको पुष्टि भएको छ । स्पेनी नागरिक गार्डहरूले डेगाना शहर नजिकैको सेरेडो खानीमा मेसिन विस्फोट हुँदा दुर्घटना भएको हो । यस क्षेत्रका स्पेनी सरकारका प्रतिनिधिकाअनुसार विस्फोट खानीको तेस्रो तल्लामा भएको थियो । जघाइतेमध्ये तीन जनालाई लियोन शहरको अस्पतालमा स्थानान्तरण गरिएको छ । स्पेनी प्रधानमन्त्री पेड्रो सान्चेजले सामाजिक सञ्जालमा पोस्ट गर्दै पीडितका परिवारप्रति समवेदना व्यक्त गर्नुभएको छ । विस्फोटको कारणको बारेमा हाल अनुसन्धान भइरहेको छ ।
