नेपाली काँग्रेसकी सांसद सीताकुमारी रानाले कानूनको सफल कार्यान्वयन गर्न नसक्दा सडक बालबालिकाहरु बालिग भइसक्दा समेत जन्मदर्ता पाउन नसकेको बताउनुभएको छ । मंगलवार काठमाडौंमा आयोजित एक कार्यक्रममा बोल्दै उहाँले यस्तो बताउनुभएको हो । उहाँले कानून कार्यान्वयनको अभावका कारण सडक बालबालिकाहर अनागरिक भएर बस्नुपरेको बताउनु भयो । उहाँले राजनीतिक दल र कर्मचारीहरुले समेत दलगत रुपमा हेर्दा नागरिकले दुःख पाउनुपरेको उहाँको भनाइ छ । उहाँले पञ्जीकरण शाखाहरुले दिने सेवा सुविधामा समेत राजनीति प्रवेश गरेर अल्झाइरहेको बताउनु भयो । उहाँले जन्मदर्तासम्बन्धी स्पष्ट कानून हुँदाहुँदै पनि स्थानीय तहका जनप्रतिनिधिहरुमा कानूनी अज्ञानताको कारणले समस्या पाएको बताउनु भयो । सडक बालबालिकालाई समयमै जन्मदर्ता प्रदान गरी उनीहरुको अधिकार र हक सुनिश्चित गर्नुपर्नेमा उहाँको जोड छ
