सरकारले नेपाल स्टक एक्सचेन्ज (नेप्से) को प्रमुख कार्यकारी अधिकृतमा चुडामणि चापागाईंलाई नियुक्त गरेको छ । सोमवारको मन्त्रिपरिषद् बैठकले उहाँलाई नेपाल स्टक एक्सचेन्ज (नेप्से) को प्रमुख कार्यकारी अधिकृतमा नियुक्त गरेको मन्त्रिपरिषद् बैठकका निर्णय सार्वजनिक गर्न आयोजित पत्रकार सम्मेलनमा सूचना तथा सञ्चार प्रविधिमन्त्री पृथ्बीसुब्बा गुरुङले जानकारी दिनुभयो । उहाँकाअनुसार सरकारले कालिमाटी फलफूल तथा तरकारी बजार विकास समितिको कार्यकारी निर्देशकमा कृषिअर्थ विज्ञ डा. राजेन्द्र मिश्रलाई नियुक्त गरेको छ । उहाँले म्यानमारमा हालै गएको भूकम्पबाट भएको जनधनको क्षति भएको सन्दर्भमा म्यानमान सरकारलाई औषधि लगायतका राहत सामग्री उपलब्ध गराउने र सेनाको चिकित्सक टोलीलाई समेत म्यानमार पठाउने निर्णय गरेको जानकारी दिनुभयो ।
