प्रधानमन्त्री केपी शर्मा ओली र भारतीय समकक्षी नरेन्द्र मोदीबीच दुई पक्षिय भेटवार्ता हुने भएको छ । परराष्ट्रमन्त्री डा. आरजु राणा देउवाले भारतीय प्रधानमन्त्री नरेन्द्र मोदीसँग प्रधानमन्त्री केपी शर्मा ओलीको द्विपक्षीय भेटवार्ता तय भएको बताउनुभएको हो । थाइल्याण्डको बैंककमा आगामी शुक्रवारबाट शुरु हुने बिमस्टेक शिखर सम्मेलनको दौरान द्विपक्षीय भेट हुन लागेको हो । बैंककमा रहेका न्युज एजेन्सी नेपालका प्रतिनिधी सविन धमलासँग कुराकानी गर्दै परराष्ट्रमन्त्री राणाले द्विपक्षीय भेट हुन लागेको बताउनु भयो । नेपाल र भारतका सरकार प्रमुखबीचको भेटवार्ताको प्रतिक्षा दुवै देशले गर्दै आएका छन् । प्रधानमन्त्री ओली प्रधानमन्त्री भएपछि भारतको औपचारिक भ्रमणमा जाने टुङ्गो नलागेपनि दुवै देशका प्रधानमन्त्रीबीच बैंककमा द्विपक्षीय वाता हुन लागेको जानकारी दिँदै परराष्ट्रमन्त्री राणाले भेट सकारात्मक र फलदायी हुने विश्वास लिएको बताउनु भयो ।
