ललितपुर सिटी एफसीले पोखरा थन्डर्सलाई हराउँदै नेपाल सुपर लिग (एनएसएल) को तेस्रो संस्करणमा पहिलो जित निकालेको छ । त्रिपुरेश्वरस्थित दशरथ रंगशालामा आफ्नो दोस्रो खेलमा ललितपुरले पोखरालाई ३–२ ले हराउँदै पहिलो सफलता निकालेको हो । ललितपुरका लागि जोनाथन कान्टिलानाले दुई तथा इजेकिइल इमोहले गोल गरे । पोखराका समीर तामाङ र जोए आइडुले गोल गरेका हुन् । दुवै टोली पहिलो जित निकाल्ने लक्ष्यसहित मैदान उत्रिएका थिए । यसअघि दुवै टोलीले बराबरी खेलेका थिए । पोखराले पहिलो खेलमा काठमाडौं रेजर्ससँग २–२ को बराबरी र पोखराले एफसी चितवनसँग २–० को पराजय बेहोरेको थियो । त्यसअघि ललितपुरले खेलमा अग्रता लिएको हो । खेलको ११औं मिनेटमा नै कर्नर प्रहारबाट ललितपुरले गोल गर्न सफल भयो ।
