कृषि तथा पशुपंक्षी विकासमन्त्री रामनाथ अधिकारीले कृषिमा आत्मनिर्भर बन्न सरकार र निजी समान क्षेत्रले दायित्ववोध गर्नुपर्ने बताउनुभएको छ । बिहीवार काठमाडौंमा आयोजित कार्यक्रमा उहाँले यस्तो बताउनुभएको हो । उहाँले सरकार एक्लैले कृषिमा लगानी गरेर सफल हुन नसक्ने बताउनु भयो । उहाँले सरकारले अख्तियार गरेको नीति सफल बनाउन व्यक्ति, सहकारी, बैंक तथा सामाजिक संघसंस्थाहरुको महत्वपूर्ण योगदान हुने बताउनु भयो । कृषिमा आत्मनिर्भरताका लागि सरकारले लगानी वर्षको घोषणा गरेको बताउनु भयो । उहाँले आयातको भरमा बाँचेको नेपालले पछिल्ला केही समयदेखि कृषि उपज निर्यात गर्नेतर्फ सक्षमता देखाएको जिकिर गर्नुभयो ।
