काठमाडौं रेजर्स र झापा एफसीले नेपाल सुपर लिग (एनएसएल)को तेस्रो संस्करणको लगातार दुई खेलमा बराबरीको नतिजा सामना गरेको छ । त्रिपुरेश्वरस्थित दशरथ रंगशालामा बिहीबार भएको खेलमा काठमाडौं र झापाले गोलरहित खेलेका हुन् । दुवै टिम पहिलो जित निकाल्ने लक्ष्यमा थिए । पहिलो खेलमा काठमाडौं ललितपुर सिटी एफसीसँग २–२ गोलको बराबरीमा रोकिएको थियो । झापाले पनि बुटवल लुम्बिनीसँग गोलरहित बराबरी खेलेको थियो । त्यसैले दुवै टोली तीन अंक ल्याउने लक्ष्यसहित बिहीवार मैदान उत्रिएका थिए । तर सफल हुन सकेन । पहिलो हाफमा काठमाडौंले र दोस्रो हाफमा भने झापा आक्रमणमा हाबी भएको थियो । खेलको पाँचौं मिनेटमा काठमाडौंको अग्रता लिने प्रयासमा माथिल्लो बारमा लागेर बाहिरिँदा असफल भयो ।
