नेपाल होटल संघ (हान) का अध्यक्ष विनायक शाहलले देशभर ३५ लाख ग्राहकलाई सेवा दिनसक्नेगरी होटलहरुको क्षमता विकास भइसकेको बताउनुभएको छ । शुक्रवार ‘२० औं फेवा नववर्ष महोत्सव’ घोषणा कार्यक्रममा बोल्दै उहाँले यस्तो बताउनुभएको हो । पर्यटकहरुको सुविधाका लागि गुणस्तीय होटलहरु निर्माण भइसकेको र त्यसमा पनि पोखराको भुमिका धेरै रहेको बताउनु भयो । उहाँले मुलुकमा अब आन्तरिक तथा वाह््य पर्यटकहरुको खाँचो रहेको समेत बताउनु भयो । उहाँले मुलुकमा लगानीको वातावरण रहेको र पर्यटन क्षेत्रले मुलुकको विकासमा टेवा पु¥याउने भनेपनि खोजेजस्तो परिणाम पाउन नसकेको उहाँको भनाइ छ । फेवा महोत्सवले स्वदेशी तथा विदेशी पर्यटकहरु भित्र्याउन सहयोग पुर्याउने उहाँको विश्वास छ ।
