युवा तथा खेलकुदमन्त्री तेजुलाल चौधरीले आगामी आर्थिक वर्षको बजेटमा अन्तर्राष्ट्रिय भलिबल कभर्डहलका लागि बजेट विनियोजन गर्ने प्रतिवद्धता जनाउनुभएको छ । शुक्रवार काठमाडौंमा आयोजित एक कार्यक्रममा बोल्दै उहाँले यस्तो बताउनुभएको हो । उहाँले नेपालमा अहिलेसम्म अन्तर्राष्ट्रिय स्तरको कभर्डहल नरहेको र आगामी आर्थिक वर्ष २०८२÷०८३ मा कभर्ड हलका लागि बजेट विनियोजन गर्ने प्रतिवद्धता जनाउनु भयो । उहाँले खेलाडीलाई प्रशिक्षणका लागि आवश्यक प्रवन्ध गर्न बजेट छुट्याउने जानकारी दिनुभयो ।
