अफगानिस्तानविरुद्ध जित निकाल्छौं भन्ने आत्मविश्वास थियो– प्रशिक्षक शक्ति गौचन

नेपाली यु–१९ क्रिकेट टोलीका प्रशिक्षक शक्ति गौचनले विश्वकपमा छनोटबाट वञ्चित भएपछि अफगानिस्तानविरुद्ध जित निकाल्नसक्छौं भन्ने आत्मविश्वास रहेको बताएका छन् ।  घरेलु मैदानमा भएको यु–१९ विश्वकप एसिया छनोटमा अफगानिस्तानविरुद्धको निर्णायक खेलमा शनिवार वर्षा बाधक हुँदा नेपाल नवौंपल्ट विश्वकप खेल्नबाट वञ्चित भएको हो । यससँगै नेपाली टोलीका प्रशिक्षक शक्तिले अफगानिस्तानविरुद्ध जित निकाल्न खेलाडीहरूमा बलियो आत्मबल रहे पनि वर्षा बाधक भएको बताएका हुन् ।