राष्ट्रिय सभा सदस्य कृष्णबहादुर रोकायाले आगामी बजेट सांसदलाई विकाससँग जोड्ने गरी आउने बताउनुभएको छ । मंगलवार राष्ट्रिय सभा बैठकमा आगामी आर्थिक वर्ष २०८२/८३ का लागि विनियोजन विधेयकका सिद्धान्त र प्राथमिकताका सम्बन्धमा छलफलमा भाग लिँदै उहाँले यस्तो बताउनुभएको हो । उहाँले सांसदको भुमिकालाई बढाउन विकाससँग सांसदलाई जोड्नुपर्ने बताउनु भयो । उहाँले विकाससँग सांसदलाई जोड्दा विकासको भुमिका बलियो हुने, संसद्को भुमिका बढ्ने र प्रणाली बलियो बन्ने जिकिर गर्नुभयो ।
