प्लानिङ ब्वाइज युनाइटेड दुई खेल बाँकी छँदा नै नेपाली घरेलु फुटबलको शीर्ष डिभिजन लिगमा उक्लिएको छ । जारी शहीद स्मारक ‘बी’ डिभिजन लिगमा प्लानिङले मंगलबार बाँसबारी क्लवमाथि २–० को जित निकाल्यो । यो जितसँगै लिगमा कम्तीमा शीर्ष दुई स्थान पक्का गर्दै प्लानिङले शीर्ष डिभिजनको यात्रा पक्का गरेको हो । अब प्लानिङले लिगमा दुई खेल्न बाँकी छ । यी दुवै खेलमा हार व्यहोरे पनि प्लानिङ शीर्ष दुईमा नै रहने पक्का छ । सन् २०१२ देखि नेपालको घरेलु लिग खेल्ने थालेको प्लानिङले १३ वर्षमा नै शिर्ष डिभिजनको यात्रा तय गरेको हो ।
