जापानको निसान मोटर कम्पनीले विश्वव्यापी रूपमा आफ्ना सात उत्पादन प्लान्टहरू बन्द गर्ने भएको छ । आर्थिक वर्ष २०२७ सम्ममा आफ्नो विश्वव्यापी रुपमा २० हजार कर्मचारी घटाउने बताएको छ । कम्पनीले अमेरिकी ट्यारिफ नीतिहरूबाट उत्पन्न अनिश्चितताहरूलाई उद्धृत गर्दै मार्च २०२६ मा समाप्त हुने आर्थिक वर्षको लागि आफ्नो नाफा पूर्वानुमानलाई पनि रोक लगाउने बताएको छ । निसानले मार्च २०२५ मा समाप्त हुने आर्थिक वर्षको लागि ६७०.८ बिलियन येन (लगभग ४.५४ बिलियन अमेरिकी डलर) को खुद घाटा रिपोर्ट गरेको छ । जुन चार वर्षमा पहिलो वार्षिक घाटा हो । यसको प्रमुख अमेरिकी बजारमा विक्री खर्च बढेको र जापान र विदेशमा कारखाना सम्पत्तिको पुनर्मूल्याङ्कनबाट भएको क्षतिले गर्दा मन्दी आएको हो ।
