सञ्चारमन्त्री गुरुङको टिप्पणीः वायुसेवा निगमलाई सधैँ पैसा दिएर चलाउँदा उन्नति हुन्छ भन्नु बाँदरको हातमा नरिवल दिनु जस्तै हो

सञ्चार तथा सूचना प्रविधिमन्त्री पृथ्वीसुब्बा गुरुङले नेपाल वायुसेवा निगमलाई सधैँ पैसा दिएर चलाइराख्न नसकिने बताउनुभएको छ । शुक्रवार काठमाडौंमा आयोजित डिजिटल नेपाल फ्रेमवर्क २ को कार्यक्रमलाई सम्बोधन गर्दै उहाँले यस्तो बताउनुभएको हो । उहाँले आफू विगतमा पर्यटनमन्त्री हुँदाको जस्तै समस्या अहिले पनि यथावत रहेको बताउनु भयो । उहाँले नेपाल वायुसेवा निगमलाई सधैँ पैसा दिएर चलाउँदा उन्नति हुन्छ भन्नु बाँदको हातमा नरिवल दिनु जस्तै भएको टिप्पणी गर्नुभयो । उहाँले स्टाटेजक पार्टनर खोजेर पब्लिक प्राइभेट प्रोग्राममा जान जरुरी रहेको बताउनु भयो ।