नेपाल राष्ट्र बैंकका नवनियुक्त गभर्नर डा. विश्वनाथ पौडेलले पदभार ग्रहण गर्नुभएको छ । पदभार ग्रहणपछि नवनियुक्त गभर्नर पौडेलले पाँच सय र एक हजारका नयाँ नोट छपाई गर्ने निर्णयमा हस्ताक्षर गर्नुभएको थियो । पदभार ग्रहणपछि प्रतिक्रिया दिँदै उहाँले मौद्रिक नीति र वित्त नीति अलग विषय रहेको बताउनु भयो । मौद्रिक नीतिले सरकारको वित्त नीति कार्यान्वयनमा केही अवरोध गरेको भए परिमार्जन गर्दै जाने उहाँले बताउनु भयो ।
