नेपाली काँग्रेसका सहमहामन्त्री जीवन परियारले जातीय भेदभाव र छुवाछुत जस्ता सामाजिक कुसंस्कार अन्त्यका लागि पीडित र पीडकबीच स्पष्ट सम्झौता आवश्यक रहेको बताउनुभएको छ । काठमाडौंमा राष्ट्रिय समता दिवसको अवसरमा आयोजित अन्तरक्रिया कार्यक्रममा बोल्दै सहमहामन्त्री परियारले जातीय विभेदको अन्त्य केवल कानूनी प्रावधानबाट नभई सामाजिक, मानसिक र नैतिक रूपान्तरणबाट सम्भव हुने बताउनुभएको हो पीडित र पीडकबीच सम्झौता नभएसम्म जातीय भेदभाव अन्त्य नहुने उहाँको भनाइ छ ।
