प्रधानमन्त्री एवं नेकपा (एमाले)का अध्यक्ष केपी शर्मा ओलीले नेकपा (माओवादी केन्द्र) का अध्यक्ष पुष्पकमल दाहालले विदेशी उद्देश्यको मतियार भएर तत्कालिन एमाले विभाजन गर्न भुमिका खेलेको आरोप लगाउनुभएको छ । आईतवार नेकपा (एमाले) बागमती प्रदेश कमिटीद्वारा आयोजित वडाध्यक्षहरुको प्रशिक्षण कार्यक्रमलाई सम्बोधन गर्दै प्रधानमन्त्री ओलीले यस्तो आरोप लगाउनुभएको हो । अध्यक्ष दाहाललाई लक्षित गर्दै उहाँले एमालेलाई अभिवाजित पार्टी रहन नदिन र नेपाललाई गरीखान नदिनको लागि विदेशी उद्देश्यको मतियार भएको टिप्पणी गर्नुभयो । उहाँले क्रान्तीको नाममा विदेशबाट हतियार ल्याएर नेपाली जनता र टाउकोमा पड्काएको आरोप समेत लगाउनु भयो । उहाँले माओवादीले युद्धकालमा फालेका बमहरु पड्किएर अहिले पनि नागरिकले ज्यान गुमाउनु परिरहेको बताउनु भयो । प्रधानमन्त्री ओलीले विध्वंस मच्चाएको तत्वहरु वास्तवमा कम्युनिष्ट र वामपन्थी नभएको तर्क समेत गर्नुभयो ।
