नेपाल समाजवादी पार्टी (नेसपा) बाट नेकपा (माओवादी केन्द्र)मा समायोजन हुनुभएका नेता गङ्गानारायण श्रेष्ठले समाजवादी क्रान्तिका लागि सबै एकजुट हुनुपर्ने बताउनुभएको छ । सोमवार ललितपुरको ग्वार्कोमा भएको नेकपा (माओवादी केन्द्र) र नेपाल समाजवादी पार्टीबीच पार्टी समायोजन कार्यक्रममा बोल्दै उहाँले यस्तो बताउनुभएको हो । उहाँले विगतको क्रान्तिको नेतृत्वको पुष्पकमल दाहालले गरेको बताउँदै फेरि उहाँकै नेतृत्वमा अर्को समाजवादी क्रान्ति गर्नुपरेको बताउनु भयो । उहाँले समाजवादी क्रान्तिका लागि सबै माओवादी लिगेसी बोकेकाहरू एकतावद्ध हुनुपर्नेमा जोड दिनुभयो ।
