प्रधानमन्त्री केपी शर्मा ओलीले पोखरा अन्तर्राष्ट्रिय विमानस्थलमा अनियमितता भएको भए कारबाही हुने बताउनुभएको छ । सिंहदरबारमा आयोजित राष्ट्रिय पर्यटन संवादलाई सम्बोधन गर्दै प्रधानमन्त्री ओलीले यस्तो बताउनुभएको हो । उहाँले नेपालले विभिन्न स्थानमा विमानस्थल बनाएको भएपनि चल्न नसकेको बताउनु भयो । पोखरा विमानस्थल ह्याण्डओभर भएको तर ह्याण्डओभर भयो भनेर लिखित पत्र नै नदिएको बताउनु भयो । उहाँले पेपर नदिएर किन अल्झाएको ? भन्दै प्रश्न गर्नुभयो । विमानस्थलमा वाह्य विमानहरु त्यति धेरै नआएपनि आन्तरिक उडानको चाप रहेको जिकिर गर्नुभयो ।
