सञ्चार तथा सूचना प्रविधिमन्त्री पृथ्वीसुब्बा गुरुङले नेपाल वायुसेवा निगमको पुनःसंरचना नगरेसम्म मुलुकको पर्यटन क्षेत्रको अपेक्षित विकास हुन नसक्ने बताउनुभएको छ । सोमवार राष्ट्रिय पर्यटन संवाद कार्यक्रमलाई सम्बोधन गर्दै मन्त्री गुरुङले वायुसेवा निगमले लामो लामो समयसम्म पनि फड्को मार्न नसकेको उल्लेख गर्दै यसको पुनःसंरचना आवश्यक रहेको बताउनुभएको हो । उहाँले ध्वजावाहक नेपाल वायुसेवा निगमकै कमजोरीकारण पोखरा र गौतमबुद्ध अन्तर्राष्ट्रिय विमानस्थल सञ्चालनमा नआएको टिप्पणी समेत गर्नुभयो ।
