अमेरिकी राष्ट्रपति डोनाल्ड ट्रम्पले सोमवार हार्वर्ड विश्वविद्यालयबाट अर्बौं अनुदान डलर अन्यत्र सार्ने र ती रकम संयुक्त राज्य अमेरिकाभरका ट्रेड स्कुलहरूलाई दिने चेतावनी दिनुभएको छ । ट्रम्प प्रशासनले पहिले नै कोष फ्रिज गर्ने र अन्तर्राष्ट्रिय विद्यार्थी भर्ना गर्ने हार्वर्डको क्षमतालाई रोक्ने निर्णय गरिसकेको छ । जसलाई राष्ट्रपतिले आइभी लिग विश्वविद्यालय र अन्यले यहूदी विरोधीतालाई दबाउन असफल भएको बताउनुभएको छ । हार्वर्ड ५३ अर्ब अमेरिकी डलरको अनुदान भएको सबैभन्दा पुरानो र धनी अमेरिकी विश्वविद्यालय हो । हार्वर्ड ट्रम्पको अभियानमा अग्रपंक्तिमा रहेको छ । प्रशासनले पहिले नै २.६ अर्ब अमेरिकी डलरभन्दा बढी संघीय अनुसन्धान रकम निलम्वन गरिसकेको छ ।
