संघीय संसदअन्तर्गत राष्ट्रिय सभाको बैठकमा पनि प्रमुख प्रतिपक्षी दल नेकपा (माओवादी केन्द्र)ले गृहमन्त्री रमेश लेखकको राजीनामा माग गरेको छ । सभाको बुधवारको बैठकमा माओवादी केन्द्रका सांसद गोपीबहादुर अछामीले गृहमन्त्री लेखक अध्यागमन विभागको भिजिट भिसा प्रकरणमा मुछिएको आरोप लगाउँदै अनुसन्धानमा सघाउन राजीनामा दिन माग गर्नुभयो । उहाँले अध्यागमन कार्यालयका प्रमुखले नै गृह मन्त्रालयलाई लाख रुपैयाँ बुझाउनुपर्ने बयान दिएको उल्लेख गर्दै उहाँले गृहमन्त्री लेखकले मार्ग प्रशस्त गर्न माग गर्नुभयो । उहाँले भिजिट भिसाको आवरणमा भइरहेको मानव तस्करीका घटनामा छानबिन गर्न समेत उहाँले सरकारको ध्यानाकर्षण गराउनु भयो ।
