सरकारले आगामी आर्थिक वर्षभित्र नियो बैंक स्थापना गर्ने भएको छ । आगामी आर्थिक वर्षको बजेट भाषणका क्रममा उपप्रधानमन्त्री एवं अर्थमन्त्री विष्णुप्रसाद पौडेलले यसबारेमा जानकारी गराउनुभएको हो । उहाँकाअनुसार आर्थिक वर्ष २०८२÷८३ भित्र नियो बैंक स्थापना गरिनेछ । दुर्गम क्षेत्रमा बैंक तथा वित्तीय संस्थाको पहुँच विस्तार गरी ग्रामीण अर्थतन्त्रको विकास गर्ने बताउनु भयो । डिजिटल, मोवाइल तथा शाखारहित बैंकिङ्ग सेवा विस्तार गरिने जानकारी दिनुभयो । प्राकृतिक प्रकोप, विपद् र दूर्घटनाबाट हुने क्षतिबाट सुरक्षा गर्न सम्पती बीमाको दायरा विस्तार गरिने बताउनु भयो ।
