नेकपा एमाले सांसद दयालबहादुर शाहीले समानुपातिक सांसदहरुमाथि हेपाहा प्रवृत्ति नदेखाउन चेतावनी दिनुभएको छ । मंगलवारको पूर्वाधार विकास समितिको बैठकमा बोल्दै उहाँले समानुपातिक सांसदहरुलाई सरकारले हेपेको बताउनुभएको हो । उहाँले ७० जना सत्तारुढ दलका समानुपातिक सांसदहरु रहेको र समानुपातिक सांसदलहरुले चाहेको खण्डमा बजेट पास हुनबाट रोक्नसक्ने चेतावनी दिनुभयो । गिरिजाप्रसाद कोईराला, पुष्पकमल दाहाल, माधव नेपाल पनि कुनैबेलामा समानुपातिक नै रहेको उदाहरण दिँदै उहाँले बोल्नेहरुलाई मात्रै योजना दिने तर समानुपातिक सांसदहरु अनुशासित रुपमा बस्दा योजना नदिने गरेको बताउनु भयो । संविधानअनुसार समानुपातिक खारेज गर्ने भए आफूहरु तयार रहेको बताउनु भयो ।
