राष्ट्रिय सभामा नेकपा (माओवादी केन्द्र) का सांसद विष्णुबहादुर विश्वकर्माले गृहमन्त्री रमेश लेखकमाथि लागेको आरोप सामान्य नभएको बताउनुभएको छ । मंगलवार राष्ट्रिय सभाको विशेष समयमा बोल्दै सांसद विश्वकर्माले लोकतान्त्रिक पद्धति र सुशासनका पाठ घोकाउने गृहमन्त्री लेखकमाथि मानव तस्करको गम्भीर आरोप लागेको बताउनुभएको हो । उहाँले देशलाई बेरोजगार उत्पादनको थलो बनाउने, युवाहरुलाई तड्पाएर विदेश जान बाध्य पार्ने र भिजिट भिसाका नाममा लाखौं कमिसन खाएर विदेशीलाई बेच्ने मानव तस्करको आरोप लागिरहँदा गृहमन्त्रीले टुलुटुलु हेरेर बसिरहन नमिल्ने दाबी गर्नुभयो ।
