नेपाली काँग्रेसका उपसभापति धनराज गुरुङले राज्यले कानूनको सही ढंगबाट कार्यान्वयन गर्न नसक्दा जातीय विभेद कायम रहेको बताउनुभएको छ । राष्ट्रिय समता दिवस तथा छुवाछुत मुक्त राष्ट्र घोषणाको सन्दर्भमा नेपाली काँग्रेस दलित समुदाय समन्वय तथा सशक्तिकरण विभागद्वारा आयोजित कार्यक्रममा बोल्दै उपसभापति गुरुङले यस्तो बताउनुभएको हो । उहाँले अहिलेको समय कुरामात्र गर्ने समय नभएकोले अब व्यवहारमा नै परिवर्तन गर्दै लैजानुपर्नेमा जोड दिनुभयो ।
