नेकपा (एमाले)का प्रमुख सचेतक महेश बर्तौलाले संसदको गतिरोध अन्त्य गर्नका लागि प्रतिपक्षी दलहरुलाई जिम्मेवार बन्न आग्रह गर्नुभएको छ । बिहीवार संसद भवन परिसरमा सञ्चारकर्मीहरुसँग कुराकानी गर्दै उहाँले यस्तो आग्रह गर्नुभएको हो । उहाँले प्रतिपक्षीको निरन्तरको अवरोधका कारण बजेटमाथिको बहस प्रभावित हुनुको साथै महत्वपूर्ण विधेयकहरु अघि बढाउन नसकिएको बताउनु भयो । संघीयता कार्यान्वयनका लागि महत्वपूर्ण मानिएको निजामति विधेयक पास गर्ने विषय पनि प्रतिपक्षीको अवरोधका कारण रोकिएको उहाँको भनाइ छ ।
