प्रतिभावान युवा खेलाडीलाई प्रोत्साहन गर्ने उद्देश्यअनुरूप शुरु गरिएको यु–१४ राष्ट्रिय विद्यालय खेलकुदको आइतबार औपचारिक रूपमा शुरु भएको छ । राष्ट्रिय खेलकुद परिषद् (राखेप) को आयोजनामा युवा प्रतिभालाई प्रोत्साहन गर्न कुल ६ खेल सम्मिलित यु–१४ राष्ट्रिय विद्यालय खेलकुदको शुरुवात भएको हो । पाँच दिने प्रतियोगिताको पहिलो दिन ६ वटै खेल विधाको प्रतिस्पर्धा भयो । ६ खेलमध्ये एथ्लेटिक्सको पहिलो दिन १२ स्वर्णमा ६ स्वर्ण पदकको टुङ्गो लाग्यो । दशरथ रंगशालामा नै भएको रग्बी खेलको लिगचरण भैरहेका छन् । पहिलो दिन लिग चरणका १२ खेल सम्पन्न भए । अन्तिम दिन सोमबार लिगसहित १४ खेल हुनेछन् । टेबल टेनिसमा भने छात्र र छात्रामा क्वार्टरफाइनल र डबल्समा फाइनलसम्मको टुङ्गो लागेको छ ।
