राष्ट्रिय सभामा नेकपा (माओवादी केन्द्र)का सांसद जगप्रसाद शर्माले विगतमा प्रतिपक्षी भुमिकामा रहेकाहरुको प्रभावमा परेर अहिलेको प्रतिपक्षले संसद अवरोध गरेको बताउनुभएको छ । शुक्रवार राष्ट्रिय सभा बैठकको विशेष समयमा बोल्दै सांसद शर्माले विगतमा प्रतिनिधि सभामा नेकपा एमालेले नौ महिनामा ५८ वटा र नेपाली काँग्रेसले २ महिनामा २२ वटा बैठक अबरोध गरेको स्मरण गराउनुभएको हो । प्रतिपक्षले जुन माग राखेर संसद अवरोध गरिरहेको छ त्यो मागबाट पछि हटेर भिजिट भिसा प्रकरणमा कम्तिमा संसदीय प्रक्रियाअनुरुप छानविन समिति बनाएर समस्या समाधानका लागि लचकता प्रश्तुत गरेको उहाँले दाबी गर्नुभयो ।
