चलचित्र विकास बोर्डका अध्यक्ष दिनेशराज दाहालले चलचित्र र म्युजिक भिडियोमा धुम्रपान र मद्यपान गरेको दृश्यमा कडाई गर्न आवश्यक रहेको बताउनुभएको छ । चलचित्र र म्युजिक भिडियोका दृश्यमा सूर्तीजन्य पदार्थको प्रयोग, प्रभाव र कानूनी प्रावधान विषयक अन्तरक्रिया कार्यक्रममा बोल्दै अध्यक्ष दाहालले सोहीअनुरुप कार्यान्वयन हुनुपर्ने बताउनुभभएको हो । उहाँले छिमेकी मुलुक भारतमा २००५ मा सिनेमा हलमा चलचित्र शुरु हुनुभन्दा अघि नो स्मोकिङको स्लग आएसँगै चलचित्र निर्माताहरुले चलचित्रका दृश्यहरुमा धुम्रपानको दृश्य राख्न छाडेको बताउनु भयो ।
