वागमती बिच रग्बी महिला प्रतियोगिता पहिलो संस्करण असारको दोस्रो साता हुने भएको छ । नेपाल रग्बी संघको आयोजना र बागमति प्रदेश रग्बी संघको व्यवस्थापनमा पहिलोपल्ट बिच रग्बी प्रतियोगिता हुन लागेको हो । सिन्धुपाल्चोकको सुकुटेबिचमा उक्त प्रतियोगिता हुने भएको छ । संघका प्रवक्ता तथा कोषाध्यक्ष दीपक अधिकारीका अनुसार प्रतियोगिता असार ८ र ९ गते (आइतबार र सोमवार) हुनेछन् । अन्तर्राष्ट्रिय ओलम्पिक दिवसको अवसरमा यो प्रतियोगिता हुन लागेको हो । बागमति प्रदेश खेलकुद विकास परिषद् र राष्ट्रिय खेलकुद परिषद्को सहयोगमा हुने प्रतियोगितामा कुल ६ टोलीले प्रतिष्पर्धा गर्नेछन् ।
